الي تشاغب سناء الفجر ابتسماتها

الي تشاغب سناء الفجر ابتسماتها
.......................لا تصالح النور خله يزعل ويطفي

مايشبه الي سطع نوره بغرتها
......................لوتعكس الماء بصورة وجها يصفي

حديثها لا تلعثم من براءتها
.....................به دفء صدق المشاعر يبرد ويدفي

وإن حدت الحربه الي كن شذرتها
........................لها ورايه مطالب ثار كيف أغفي

من يومها اعيش نبرتها وضحكتها
...................ومع كلها ضاع بعضي والحقه نصفي

ماوهج الحزن في الا شرارتها
................وجرح ٍ من اسبابها إن غابت ماهومشفي

قولولها إن الحنين الي بحارتها
................. ........غطا وهج لهفتي شوقه بمايكفي

ماني بوحدي حزين الا قراءتها
......................والمدرسه والمكان الي بقي مجفي

وشحوب باب المداخل قدم شقتها
......................والشارع الي قدم والشارع الخلفي

شعورهم كنه احساسي بغربتها
....................وشعوري اشعور غربة واحدن منفي

وكانه رحيل ٍتلا سفرة زيارتها
.....................أستارت اخرمشاهد هالحزن تضفي

ماني بعايش بديره غير ديرتها
......................برحل وابى اتوب والله يغفرويعفي

وملامح طيوف حزني كان مرتها
........................تقري عليها سلام الحب من منفي

وتاصف لها أشواق الاشيا الي تحرتها
........................وتبوح عن ودهاالي داخلي مخفي